Ogni
annu pi Natali,
stamu
suli, c’hama fari;
com’è vecchia tradizioni
mi va’ fazzu ‘nu scuponi.
Tissi
mugghierama: cu no’ stau
sola,
no’ mi puerti a “Pernia e Cola”?
E va beni, comu ti pari
mo ti portu, no’ mi cardari!
Allu
tiatru l’aggiu purtata,
alla cummedia quedda è ‘ngulata
e cussì, cu la tegnu cuntenta,
ti Perniaecola n’aggiu visti
trenta.
Toppu
la prima ti ‘nu vagnoni,
veddi quedda ti “Catoni”;
poi liggìa a ogni pareti
ca ‘nc’era Pernia ti li “Cumeti”.
Ti
manifesti
‘ni ‘mmiscara tanti
girara puru cu l’artuparlanti;
lassai ‘ntra l’acqua li pinnieddi
e scii ddo Cola ti li “Capuvierdi”.
Tissara
‘ncerti a prucissioni
ca hannu priparatu ‘nu ricitoni
pircè “Cola” è ‘nu Pueta
e di ‘sti
cosi è gran prufeta.
Cu
‘ntra la capu ‘stu
pinzieru,
veddi lu parcu tuttu neru
tissi a mugghierama, cu ‘na pitata:
sirai ca l’aggiu vistu
n’atra fiata!
Zittu
scintrusu, no’ fa’ obbiezioni,
quedda, sicuru, è ‘na cumbinazioni;
tissi mugghierama, com’a ‘nu spittori:
vue’ ‘ni capisci cchiù sai ti lu scrittori?
Assìu
lu tiaulu, è ‘nu misteru!
puru iddu scia tuttu neru;
iu no’ sacciu comu foi,
li cumbinazioni ‘ddivintara toi.
Sciamu
annanti, vitimu ci è veru,
assìu puru l’Angiulu battaglieru!
Mo’, però, no mi pue’ di’ no’ vali,
comm’a quedd’atra, è tali e quali!
|
Assiu
Giuseppu e puru Maria
uguali all’atra “Cumpagnia”;
assiu l’Astrolucu a culu cuvatu
comu quedd’atru: simbrava cupiatu!
Mintii
recchia cu cchiù attenzioni
ed era uguali, battuta e cupioni;
tissi a mugghierama: ‘ccussì è lu fattu?
Iu no’ spettu mancu la fini ti l’attu!
Ndi
n’hammu ‘ssuti scunsulati
e tanti vagnuni puru ‘ncazzati;
piccati propria quiddi turnisi
ca nd’hannu futtuti li ddianisi.
Iu
mo’ leggu ti lu succissoni
ci è avutu curu vagnoni;
e mi ‘ddummandu: ‘ddo l’hannu vista
totta st’arti
ti gran riggista!
‘Sta
cummedia è cumplicata
ca ogni annu è ‘pprisintata,
e cu no’ si uasta
la tradizioni
s’onora pirsunaggiu e cupioni.
Pi
cuddu ca si senti, fin’a ieri,
no’ so’ cosi pi li furastieri,
e ci so’ veri amanti a cundizioni
cu si vetunu lu “Massaru Sarioni”
Stai
‘ncununu ca si turmenta
quarche cosa cu si la ‘nventa,
e pi la “nostra”
Natività
s’è vista
ncuna vera nuvità.
Allu
“Pueta”, l’hannu piaciuti li sceni
ti quidd’atri, ca li pariunu bueni,
e cu no’ si mangia li mutoddi
s’è futtuti li chianti cu tutti li roddi.
Iu
mo’ no sacciu comu stannu
li cosi
ma penzu ca ‘ntra loru so’ doverosi,
è capaci ca, a prima vista,
è circatu pirmessu all’atru riggista.
Sicuru,
è dittu mugghierama: ribbambitu!
vue’ ca ‘ntra loru no’ si fannu lu ‘nvitu?
So’ cosi ca si usunu pi l’occasioni,
si’ propria ‘nu vecchiu maccarroni! |